آنا صفحه Ana Səhifə / ادبیات / شعرلر / قادین شاعیرلر / منی بوگۆن اۆچۆن باغېشلا اۏغلوم! / زهرا نظرنژاد (داملا) (شعر)

منی بوگۆن اۆچۆن باغېشلا اۏغلوم! / زهرا نظرنژاد (داملا) (شعر)

آیهان میانالیAyhan Miyanalı September 16, 2020 قادین شاعیرلر, کلاسیک شعرلر یۏروم یازېن / Yorum Yazın 2,785 باخېش/Baxış

منی بوگۆن اۆچۆن باغېشلا اۏغلوم! / زهرا نظرنژاد (داملا) (شعر)

سنی اؤز ألیم’له وئردیم اؤزگه‌یه
منی بوگۆن اۆچۆن باغېشلا اۏغلوم!
سنی بیر گۆل ساياق دردیم اؤزگه‌یه
منی بوگۆن اۆچۆن باغېشلا اۏغلوم!

بیر چاره‌م اۏلسایدې وئرمزدیم یقین
من آنا دیلینه قېیمازدېم سنین
اؤنۆنده خجیلم دۏغما وطنین
منی بوگۆن اۆچۆن باغېشلا اۏغلوم!

قۏلونو باغلادېم دئدیم: بویورون!
آلېن! قۏل-قانادېن قۏپارېن-قېرېن!
نه آنادان دئیین، نه دیلدن سۏرون!
منی بوگۆن اۆچۆن باغېشلا اۏغلوم!

سندن اوتانېرام، باشېم آشاغې…
آرخامدا وطن وار، اؤنۆمده یاغې
اۏندان اۆز چؤندَردیم مانقورت سایاغې
منی بوگۆن اۆچۆن باغېشلا اۏغلوم!

قوربان وئره‌جکدیم سنی من اۏنا
نه یازېق سۏیوندون اؤزگه بیر دۏنا
یاد اۏجاق‌لار اۆچۆن دؤندۆن اۏدونا
منی بوگۆن اۆچۆن باغېشلا اۏغلوم!

من «داملا» اۏلدوم سن سئل اۏلاجاقدېن
یوردون دامارېنا قان دۏلاجاقدېن
منیم اؤجۆمۆ ده سن آلاجاقدېن
منی بوگۆن اۆچۆن باغېشلا اۏغلوم!…

«داملا» 1394/7/1

بَنزَرگه‌لر / Bənzərgələr

تگ‌لر / Təqlərداملا زهرا نظرنژاد منی بوگون اوچون باغیشلا اوغلوم! / زهرا نظرنژاد (داملا) (شعر) منی بوگۆن اۆچۆن باغېشلا اۏغلوم! / زهرا نظرنژاد (داملا) (شعر)

یازار / Yazar : آیهان میانالیAyhan Miyanalı

بو یازېیا بَنزَر / Bu yazıya bənzər

بو یازېنې دا اۏخویون /Bu Yazını da Oxuyun

آتامېن گؤزلری / ویدا حشمتی (شعر)

آتامېن گؤزلری / ویدا حشمتی (شعر) یئنه بو شَهَرین کؤرپه‌جیڲی قارا بولودلارا بَلَنمیش “آجې”دان آخېر …

Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399