یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / عسگر / آقشین یئنی‌سئی (شعر)

عسگر / آقشین یئنی‌سئی (شعر)

Əsgər - Aqşin Yenisey - YeniQapi.com--

عسگر / آقشین یئنی‌سئی (شعر)

قانېن آلېن یازې‌سې یۏخ ایدی

سن دۆنیادا یۏخکن، عسگر،

اؤلدۆردۆ قابیل هابیلی!

سن اۏلماسایدېن،

یا اینسان اینسانېن قوربانې اۏلاجاقدې،

یا دا قاتیلی…

 

سن یۏخکن قۏپدو طوفان!

سو باسدې یئر اۆزۆنۆ، عسگر!

یاشام سو‌لاردا یالقېز؛ اومود دۏلو بیر گمی…

سن اۏلسایدېن،

طوفان‌لار گئری چکیله‌جکدی، گؤرۆنجه‌ مغرور چکمه‌نی.

 

سن یۏخکن دۆنیادا، عسگر!

قانېن آلېن یازې‌سې یۏخ ایدی.

سن گۆناه‌سېز کؤرپه‌لرین یئره‌ إنَن آهې اۏلدون

اؤلۆم‌لرین أفَندی‌سی، شاهې اۏلدون!

 

سن یۏخکن دۆنیادا، عسگر!

قۏرخو سیاسَت اۏلدو، دین اۏلدو، دیو اۏلدو.

هر شئیین أوّلی سهو اۏلدو…

هر شئیین سۏنو عفو اۏلدو…

 

سن یۏخکن دۆنیادا، عسگر!

تانېمازدان سئومیردی بیر کیشینی بیر قادېن

سَندَن سۏنرا عسگر دۏغدو

هر قادېن اؤز اؤولادېن.

 

سن یۏخکن دۆنیادا، عسگر!

ایلک گۆناها باتدې اینسان، تاماها یئنیلدی

کئچمیشه‌ اودوزدو، صاباحا یئنیلدی.

سن اۏلسایدېن باشلامایاجاقدې بو أبَدی ساواش!

سن جَنّتی مدنیيَّته‌ چئویردین، عسگر!

 

سن تیکانېسان قېزېل‌گۆلۆن!

یارپاق کیمی سۏلدوغون گۆن‌لرین گئری دؤنن قیصاصېسان

سن قېزېل گۆلۆن اؤزۆسن!

گؤزَل‌لیڲین أڲنینده‌کی جنگاور‌لیک پالتارېسان

 

سن هر زامان جانلېسان، سن هر زامان شانلېسان!

شکیل اۏلان بیزیک، عسگر!

اؤلۆم طرفدن بۏیلانار بۆتۆن شکیل‌لر…

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

Watermark_1609651212395

یاشام / ساموئل بئکئت (چئوری شعر)

یاشام / ساموئل بئکئت (چئوری شعر) نه‌سه‌ اۏرا‌دا نه‌سه‌ اۏرا‌دا هارا‌دا بایېردا آخې هارا‌دا بوندا …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *