یئنی قاپې Yeni Qapı یئنی قاپې، یئنی بير باخېش‌دېر تۆرک دۆنیاسېنا
آپار منی / بهروز صدیق (شعر)
یاپېش منیم أل‌لریمدن
چک گؤزل‌لیک دیارېنا
آپار شعر دۆنیاسېنا
قۏیما منی یالقېزلایېم
بیر گۆل کیمی گل در منی
آپار منی
آپار منی
…
یاپېش منیم أل‌لریمدن
قارېشدېر گل قانېن من’له
آرزې کیمی چیچکله‌نک
شعرلریمیز’له، شعوروموز’لا
کؤورک کؤنۆل‌لرده گرک.
یاپېش منیم أل‌لریمدن
قۏی “گؤیرچین ألین” سنین
دار آیاقدا
دایاق اۏلسون.
یاپېش منیم أل‌لریمدن
قۏی بۆرۆسۆن طراوتین
دومان سایاق بو کؤنلۆمۆ
قۏیما منی قاپاندېرسېن
خبرچین بیر دالغا تک یاشام
اۏ داش‌لاردان-بو داش‌لارا
یالوارېرام
یالوارېرام
یاپېش منیم أل‌لریمدن.
