ساچلارېمېن قارانلېغېنا
آپارمېشدېم
اۆزۆم باغلارېنېن
قېرمېزې شرابېندا بۏغاجاقدېم
قیامَتیم
سازېنېن تئللرینده سسلَنیردیم
اؤلۆردۆم
قویلانېردېم
و سن
اؤپمۆشدۆن یوخولارېندا گؤزل قېزېن دۏداقلارېندان
آدېم کیلیسا دېر
آساجاقدېلار سنی
سایدېغېن
و اؤرگندیڲین اۆچۆن آدېمې
آسېلاجاقدېم یوخولارېوا گلدیڲیم اۆچۆن
اۏیان
اۏیات شاعیر
یارامېن ایچینده بیتن قاردَلَن گۆلۆ
مزارلېغېمدا یئر یۏخ دېر سازچې شاعیرلره
کیلیسا منم
سنی سۏنسوزلاشدېران ترسا
یوخولارېندا دۏلاشان روح
و سن
قانایاجاقسان یارالارېمدا بسلهدیڲیم تیکانلارېن اۏرتاسېندا
اۏیان
آدېم کلیسا دېر
شهرین بۆتۆن گؤزهلریندهکی کۏکۏ شَنئل قۏخوسو
و سئومهڲه عؤمرۆ یئتمهڲن بیر قار چیچهڲی
اۏیان ساچلارېمېن قارانلېغېندا
و خاطېرلا منی بیتگیلرین یوموشاقلېغې
و مؤوسۆملرین أن یاشېلې آراسېندا
تگلر / TəqlərŞəbnəm Ənvər اویان / شبنم انور (شعر) اۏیان / شبنم أنور (شعر) شبنم أنور شبنم انور
بو یازېنې دا اۏخویون /Bu Yazını da Oxuyun
بیری وار / فرهاد کدخدائی (شعر)
بیری وار / فرهاد کدخدائی (شعر) دوستاق ایسه؛ میلهلرین اۏ تایې……بو تایې دۆنیا دۆشۆندۆکجه بیر …
Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399