یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / بو گئجه…/ پینار شاکر

بو گئجه…/ پینار شاکر

پینار شاکر

بو گئجه…/ پینار شاکر

بو گئجه
ال لریم کیراواتین اولاجاق
آسیلاجام بوغازیندان
آسیلاجاقسان آیاقلاریمدان
بیر آز آغیر
بیراز سیخ
بیرازدا
دهشت لی اولاجام
قارالمیش
سویوق اوره گیمی
دیدرگین باخیشلاریندان آخان
زینه قان لا قیزدیراجام
بوگئجه
ایلان اولوب
بوغازینا ساریلاجام
دایان دولدوروملو دوداقلاریم
دوندوروجو
ایگرنج
دوداقلارینلا اؤپوشه جک
زهیرلی قورشون قوساجام بوغازینا
اورگینده آچیلاجاق
گؤزلرینده بیر حارام سئوینج اولاجام
حالال نیسگیل دیه اودقوناجاقسان
بوغولاجاقسان
بیر داملا گؤز یاشیمدا
بوگئجه
توی گئجه سی
منسیز
سسیزجه
زیلنه جام گؤزلرینه
منی تانیرسان می؟!
دیه دیه
هایخیراجام
باغیراجام
منی تانیرسان می سئودیجه ییم؟!
منم جللاد
بوگئجه
اجلین اولاجام
یاواش یاواش
ذره ذره
جانین آلاجام

یازار / Yazar : پينار شاكر Pınar Şakir

27 آذر 1374 گونش ایلی آذربایجانین ادیب لر و بؤیوک شاعیرلر ویازار لار شهری ،اورارتولارین پایتختی اولان سالماس شهرینده گنج و استعدادلی شاعیر، رسام، مقاله یازاری پینار شاکر آنادان اولدو. پینار شاکر 8 یاشیندان تورکجه شعر یازیب و گنج یاشلاریندا 4باشقا شاعیرله بیرلیکده آذربایجان ادبیاتیندا قارالاما مانیفیستینین تملینی قویوب بوگون آذربایجان گنج شاعیرلرین ین ایچینده آدلیم لاردان ساییلیر. پینارین شعرلرینده وطن سئورلیک و آذربایجان سئوگیسی اؤزه ل بیر یئره مالیکدیر. بو گنج شاعیر و یازاردان اونلار مقاله، اؤيكو، شعر، قادین لار حاققیندا آراشدیرمالار آغری، آنا وطن، دعوت و...درگی لرینده چاپ اولوب و چوخلو وبسایت لاردا یاییملانیب دیر. پینار شاکر "آذربایجان مدنیت ائوی " نین، قادینلار و عاییله ایشلر باشچیسی اولاراق بوگونه دک آذربایجانیمیزین کولتورونده و فولکلوروندا اولان یاز بایرامی، نوروز گونو، سون چرشنبه لر ،چیلله و...مراسیم لرینین قوروجوسو وهفته لیک قادینلار ائتگینلیی و اوشاقلار ائتگینلیی آردیجیل اوتوروملارین آپاریجیسی و آذربایجان تاریخینده ایلک اولاراق 1394 گونش ایلی اوشاقلار دونیا گونو قورولان همایشین دبیری اولوب. قید ائتمک لازیمدیر بو همایش ده 1500 جلد تورکجه اوشاق کیتابی 750 اوشاغا پای وئریلیب و سالماسین ارشاد اداره سینین آمفی تئاتریندا قورولان بو مراسم ده تورکجه تئاتر پینار خانیمین یؤنتمنليی ایله، آذربایجان رقصی، آذربایجان ماهنی لاری و...ایفا ائدیلدی. ايندي ليكده يئني قاپي سايتينين يازارلاريندان اولاراق آزربايجانيميزين گلجه يينه ائتكيلي آدديملار آتير.

بو یازېنې دا اۏخویون /Bu Yazını da Oxuyun

Ayağını İtirmiş Şalvar-Saqib Zeynal-YeniQapi.com-

آیاغېنې ایتیرمیش شالوار‌لار / ثاقیف زئینال (شعر)

آیاغېنې ایتیرمیش شالوار‌لار / ثاقیف زئینال (شعر) یای گئتمیش ده‌ چۏخدان گئتمیش. زیوه‌‌لر گئیینمیش قالېن …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *