یئنی قاپې Yeni Qapı یئنی قاپې، یئنی بير باخېشدېر تۆرک دۆنیاسېنا
تانری‌نین گؤز کانسئری / ائلمان موغانلی
بیر شلاله‌لی باخیش
آغی دئییر بویون
ستلجم اۏلموش سیلدیریم قایالارین
و اۆره‌گی سۏلغون چیرپینیر اوچماغا قانادسیز دورنالارین
سانجیلیر گۆلۆشه دۏغرو قاچمیش دۏداق‌لارین اۆره‌گی‌نـه
بیر قارا تیکان کۏلو
و دوز یاغیر پئنجره‌دن
تبریزین بری باخ ماهنی‌سی‌نـا
یانقی دۆشۆب حکیم‌لرین شیرین داولاری‌نـا
آغ جیگر خسته‌لیگی توتموش ساری گلین
و جیم-جیلیق‌لانیر یارپاق‌لاری
قاران‌لیق‌دا قارا گلمیش
سن‌سیزلیک دیوانین
نه بیلیییییم!!!
بلکه ده تانری‌نین گؤز کانسئری وار.
ائلمان موغانلی
