یئنی یازې‌لار / Yeni Yazılar

شالوار / سعید نجاری (یاشانمېش مینیمال‌لار)

Screenshot_20230605_173619_Instagram
شالوار / سعید نجاری (یاشانمېش مینیمال‌لار)

دۆنن اوشاق‌لېق ایل‌لرینده گئیدیڲیم شالوارلاردان بیرینی آنبارداکې کؤهنه پالتارلارېن ایچینده گؤردۆم، اۏن بئش ایل اؤنجه‌یه قایېتدېم. بؤیۆک قارداشېمېن شالوارې ایدی، آرتېق اۏنون أڲنینه گلمیردی، بۆکۆلۆب ایشکافدا قالمېشدې. مندن اؤنجه قارداشېم اۏنو نئچه ایل گئیمیشدی. قارداشېم مندن اۆچ یاش بؤیۆک ایدی. اۏنون پالتارلارې‌نېن یارې‌سېندان چۏخونو من ده گئیَردیم. آنجاق آتام ایلده بیر دفعه منه بیر پارچا یئنی پالتار دا آلاردې.

اۏ شالوارې گئیمه‌ڲـه باشلادېغېم گۆنۆ یاخشې خاطېرلایېرام. مکتب‌لرین آچېلماسېنا اۏن گۆن قالمېشدې. بیرینجی صینیفه گئده‌جکـدیم.

رحمت‌لیک آتام ألینده شالوار، منیم یانېما گلدی.

«باخ، گۆل کیمی شالوار دېر، قارداشېن سلیقه‌لی‌ دیر، شالوارې یاخشې ساخلایېب» دئییب، منه باخدې.

قاش‌قاباغېمې ساللادېم، هئچ نه دئمه‌دیم.

«باخ، اۏغلوم، سنه بایرامدا یئنی پالتار آلاجاغام، بونو بیر نئچه آی‌لېق گئی» دئیه، منی اۏووتماغا چالېشدې، سۏنرا دا باشېمې اۏخشادې.

اۏ شالوارې بیر ایل گئیدیم، سۏنرا أڲنیمه دار گلدی، داها گئیه بیلمه‌دیم. ایکینجی صینیفه گئدَنده آتام منه چتین‌لیک‌’له یئنی اوجوز بیر شالوار آلدې. آتام فهله‌’یدی…

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

هر شئی وار، هئچ نه‌ یۏخ دېر… / نیگار عاریف (یاشانمېش مینیمال‌لار)

Hər şey var, heç nə yoxdur.../ Nigar Arif


Warning: count(): Parameter must be an array or an object that implements Countable in /home3/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *