یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
نیل‌آی سککیز یاشلې اؤزل اوشاق ایدی. گؤرۆردۆ، آنلایېردې، آما إشیتمیردی. إشیتمه‌دیڲی اۆچۆن دانېشا بیلمیردی. بئله‌لیک’له، اۏنون هم إشیتمه و دانېشما قوصورو وار ایدی. یاشام نیل‌آی اۆچۆن باشقا اوشاق‌لاردان قات-قات چتین ایدی. نیل‌آی ایشاره دیلینی بیلسه ده، اینسان‌لارېن چۏخو ایشاره دیلینی بیلمیردی.
اۏنا گؤره ده نیل‌آی تۏپلوم‌یانا یئرلرده ایشاره دیلی دانېشسا دا؛ آنلایان اینسان‌لار چۏخ آز ایدی. تأسسۆف کی، شَهَریمیزده نیل‌آی کیمی اؤزل قایغې‌یا إحتیاجې اۏلان اینسان‌لارا گؤرسه‌دیلن قایغې یئته‌رینجه آشاغې سَويّه‌ده ایدی. نیل‌آی اؤزۆ کیمی اوشاق‌لار’لا درس اۏخویوب. بو ایل اۏ، باشقا اوشاق‌لارا قۏشولما‌لې اۏلدو.
اۏ، یئنی بیر اؤرگنچی کیمی آیرې مدرسه‌ده درسینی داوام إتمک ایسته‌ییردی. اۏنا گؤره ده عصبی و هیجانلې ایدی. اۏ چۏخ ماراقلې ایدی کی، اۏرداکې یئنی یۏلداش‌لارې نئجه اۏلاجاقدې؟ اۏنو آنلایا بیله‌جکلرمی؟ یۏخ’سا نیل‌آی’لا ایلگی قورا بیلمه‌یه‌جکلر؟ نیل‌آی قۏرخوردو. آنا-آتاسې اۏنون ناراحات اۏلدوغونو باشا دۆشدۆلر. قېز‌لارېنې ساکیت‌لشدیرمک اۆچۆن أل‌لریندن گله‌نی إتسه‌لر ده، نیل‌آی‌دان دا گیز‌لی ناراحات ایدیلر.
مدرسه گۆنۆ گلدی. نیل‌آی سَحَر تئزدن اۏیاندې. آنا-آتاسې ایله سَحَر یئمه‌ڲی یئدی. سۏنرا یئنی مدرسه پالتارېنې گئییندی. چهرایې-بۏز رنگ‌لری اۏلان پالتار نیل‌آی‌دا اۏلدوقجا یاراشېقلې گؤرۆنۆردۆ. آتاسې ایشه گئتدیڲی اۆچۆن نیل‌آی‌ېن آنا‌سې اۏنو مکتبه آپارېردې. بۆتۆن حاضېرلېق‌لارېنې تاماملادېقدان سۏنرا مدرسه‌یه گئتمه‌ڲه یۏلا دۆشدۆلر.
مدرسه چۏخ دا اوزاقدا دَڲیلدی. یالېنجا گئتسه‌یدیلر، 5 دقیقه‌لیک یۏل ایدی. مدرسه‌یه چاتاندا نیل‌آی یان-یؤوره‌یه باخماغا باشلادې. آنا‌سې نیل‌آی‌ېن ألیندن توتوب یئنی صینفینه آپاردې. اؤرگنچی‌لر آرتېق ماسالارېنا یئرلشمیشدیلر. نیل‌آی اوتانجاق باخېش‌لار’لا صینفی یۏخلا‌ماغا باشلادې. آنا‌سې اؤرگتمَن ایله دانېشارکن نیل‌آی یۏلداش‌لارېنې دیققت’له ایزله‌ییردی.
اؤرگتمَن یاواشجا نیل‌آی‌ـا یاخېنلاشېب اۏنون باشېنې سېغاللادې. آنا‌سې نیل‌آی‌ـا ایشاره دیلی ایله دئدی کی، گئتمه‌لی‌سن؛ اۏنو دَرس‌دن سۏنرا آپاراجاغېنې دئدی. نیل‌آی دا آناسېنا ایشاره دیلی ایله دئدی: “نۏلار گئتمه”. دئدی. آنا‌سې دئدی کی، تئز قایېداجاغام قېزېم و گئدیب نیل‌آی‌ېن یاناغېندان اؤپدۆ. نیل‌آی بونو نهایت قبول إتدی. اؤرگتمَنی نیل‌آی‌ـا ایشاره دیلی ایله دئدی: “خۏش گلدین، قېزېم”.
آسئل حئیرت‌لَندی. اؤرگتمنی‌نین ایشاره دیلی بیلدیڲی اۆچۆن راحاتلادې. آما صینیفده‌کی شایېرد‌لار حئیرت’له اؤرگتمَن و آسئ’له باخېردېلار. آسئل اؤرگتمَن یئرینی گؤرسه‌دنده‌ن سۏنرا؛ اؤرگنچی‌لرینه وضعيّتی ایضاح إتدی. اؤرگنچی‌لرین آسئ’له یازېغې گلدی. اۏنو قارشېلاماق ایسته‌سه‌لر ده، ایشاره دیلینی بیلمیردیلر. آسئل بۆتۆن گۆنۆ صینیفده تک اۏتوراراق کئچیردی. صینیف یۏلداش‌لارې أصلینده تَنَفّۆس زامانې اۏنون’لا اۆنسیيّت قورماغا چالېشسا‌لار دا، ایشاره دیلینی بیلمه‌دیک‌لریندن اۆنسیيّت قورا بیلمه‌ییبلر. آنا‌سې دَرس‌دن سۏنرا آسئلی گؤتۆرمه‌ڲه گلمیشدی.
قېزې‌نېن اۆزۆنۆن قاش-قاباقلې اۏلدوغونو گؤرنده: – نه اۏلوب، قېزېم؟ نییه غمگین باخېرسان؟” – ایشارت دیلینده سۏروشدو. آسئل چیڲین‌لرینی چکیب آناسېنا جاواب وئرمه‌دی. آنا‌سې نه باش وئردیڲینی آز-چۏخ تخمین إدیردی. اۏ دا چۏخ عصبی‌لَشدی. اۆچ هفته کئچمیشدی. آسئل صینیفه گیرَنده آرتېق بۆتۆن دۏست‌لارې گلمیشدی.
اۏ، یئنه اؤز یئرینده ساکیت اۏتوروب دَ‌ر‌سه قولاق آسېب، روح کیمی صینیفدن چېخېب گئدیردی. اۏنسوز دا هئچ کیم’له علاقه ساخلایا بیلمیردی. آما بو نه‌دیر؟ عئینی زاماندا دۏست‌لارې ایشاره دیلی ایله آسئ’له خۏش گلدین دئدیلر. آسئل گۆلۆمسه‌دی. دۏست‌لارې دَرس‌دن سۏنرا اؤرگتمن‌لریندن ژئست دیلی دَرس‌لری آلېردېلار.
اۏنلار آسئلین یالقېزلېغېنا عصب’له‌شیب، اۏنون’لا اۆنسیيّت قورماق، دۏستلوق إتمک ایسته‌ییردیلر. دۏست‌لارې آسئلدن ماراقلاندېق‌لارې هر شئیی سۏروشدولار. آسئل ده اۏنلاردان سۏروشدو. آسئل باش وئرن‌لردن چۏخ تأثیر’له‌ندی. اۏ، ایندی بۆتۆن صینیف یۏلداش‌لارې ایله آنلاشا بیلیردی.
