یئنی یازې‌لار / Yeni Yazılar
آنا صفحه Ana Səhifə / دسته بندی نشده / ألده قایېرما چیچک‌لر / بولود قاراچۏرلو (سهند)

ألده قایېرما چیچک‌لر / بولود قاراچۏرلو (سهند)

بولود قاراچورلو

ألده قایېرما چیچک‌لر / بولود قاراچۏرلو

آلتونلوجا ناخېشلې،
آغ گۆلداندا بیر دسته.
ألده قایېرما “چیچک”
قۏیولموش میزین اۆسته.
یام-یاشېل یارپاق‌لارې
آغ، قېرمېزې، بنفشه،
نه سو، نه قایغې ایستر
آرسېز-آرسېز، تپ تزه!
اوزون ایل‌لر کئچسه ده
دوروب یاشایاجاقلار.
رییاکار طراوت’له،
هله ده قالاجاقلار.
کیمسه نه دئییر، دئسین،
نه سؤیله‌ییر، سؤیله‌سین.
یۏخ!
نه سوووزوندان اؤلن،
نه عطیر ساچا بیلن،
بو پیلاستیک‌لری من
چیچک سانا بیلمیرم.
من بزک-دۆزک‌لری،
گؤزل‌لیک سانانمېرام.
گؤزل‌لیکدن نه رنگه،
نه شکله آلدانمېرام.
نه سئون، نه سئویلن،
نه اوموب کۆسمک بیلن،
نه یاشاماق آنلایان،
نه ده کی، اؤلمک بیلن.
جان‌سېز تؤر-تؤکۆنتۆلر،
گۆلمۆ، چیچک‌می اۏلار؟
گۆل کمال دېر، حیات دېر،
هم آچار، هم ده سۏلار!
بو، گۆل دَڲیل، اؤلۆم دیر،
آلدانېش دېر، دهشت دیر.
یۏخ، اۏنا اؤلۆم دئسم،
اؤلۆمه أهانت دیر.
اۏلسون! اؤلۆمده سۏلماق،
چۆرۆمک دهشتی وار.
و لاکین تۏخوم اۏلماق،
جۆجرمک قۆدرتی وار.
نه قېزارېب سارالماق،
نه آچېلماق، نه سۏلماق،
نه اوتانېب، قېپچېنماق،
محبت تانېماماق
گۆلمک بیلمه‌ین‌لرده
قهبه‌لیک صیفتی وار.

 بولوت قاراچورلو

تهران 1353/1/13

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

Eltas-salihi-YeniQapi

سن‌سیزلیگیم / ائلتاش صاليحي

سن‌سیزلیگیم / ائلتاش صاليحي پاریلداییر شهرین ایشیق‌لاریندا اوتاغیمین قارانلیغی تیر چکیر خییاواندا ایشیق‌لار تیر چکیر …


Warning: count(): Parameter must be an array or an object that implements Countable in /home3/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *